17-сабақ.
Сабақтың тақырыбы: Санды және әріпті өрнектер.
Мақсаты: Өрнектердің түрлері жайындағы түсініктерді тиянақтай түсу; өрнектер құру, оқу, жазу және мәнін табу сияқты іс-әрекеттер орындату; көпбұрыштың элементтерін анықтауға жаттықтыру; есеп құрастыруды және шығаруды пысықтау, екі таңбалы сандарды оқуға, жазуға және салыстыруға машықтандыра түсу.
I.Ұйымдастыру сәті
Осы фигуралардан өзімізге жылу алар қандай затты құрауға болады?
Жылу адамға қандай әсер береді? (қуаныш, сүйіспеншілік,бақыт, достық….)
II.Тірек білімді еске түсіру
А)Сандардың қайсысы өз орнында тұрған жоқ?
10 11 12 13 16 14 15 17 18 19 20
16 саны туралы не айтуға болады?
16 санын қалай шығарып алуға болады?
Ә)Өмір сүріп достасқан
Бес тиін,тағы төрт қоян.
Барлығы нешеу?
Бұл өлеңдегі есеп қандай амалмен шығарылды?
Бұл аңдар қайда өмір сүреді?
Тағы басқа қандай аңдарды білесіңдер?
Б)Ойын «Дәрігер Айболит»
Қазір күз мезгілі, түрлі вирустың өршіп тұрған кезі. Дәрігер Айболитке тұмауға қарсы егілуге келген аңдардың кезегін сақтап кіргіз.
III.Сабақтың тақырыбы мен мақсатын хабарлау.
Оқулықпен жұмыс
№1 «Тиінге көмек» ойыны
Мына сандардың айырмасы мен қосындысын өрнек түрінде жазып, мәнін тауып, тиінге қысқа азық дайындауға көмектес.
Санды өрнекке байланысты қорытынды жаса.
Тәттіні сүйер орман қожасы НЕ?
Ендеше, аю тапсырмасы
№2.Өрнектерді құрастырып, мәнін тауып, әріпті өрнекке байланысты қорытынды жасайды.
№3.Суретке қарап, заңдылықты анықта.
№4. Өзіндік жұмыс.
Оқушылар қатар бойынша есептер құрастырып шығарады. Талдағанда жіберген ортақ қателерін қарастырып, қорытынды жасайды.
Сергіту сәті
Бұғының үлкен үйі бар,
Әйнектен көзін салып тұр.
Орманнан қашқан бір қоян,
Есікті келіп қағып тұр.
Тық -тық -тық, аш есікті,
Орманға аңшы жетіпті,
Қоянжан, енді тұрыс не,
Қолыңды соз, кір ішке.
№5. Топтық жұмыс.
Топта ауызша талқылау ұйымдастырылады. Оқушылар оқулық сұрақтарына бір біріне жауап береді. Содан кейін өздерінің қорытындыларын бүкіл класқа ұсынады. Жұмысқа 3минут беріледі.
Рефлексия.Өзіндік жұмыс.
Оқушыларға екі әріпті және екі санды өрнектер құру ұсынылады. Санды және әріпті өрнектердің айырмашылықтары туралы қорытынды жасайды.
Үй тапсырмасы.33-бет. №6
