Сабақтың тақырыбы: Мектеп демалысы. Диалог.
Сабақтың мақсаты: а) білімдік: тақырып бойынша жан-жақты мәлімет бере отырып,
диалогты түсіндіру, сауатты сөйлеу мен жазуға үйрету;
б) дамытушылық: ауызша және жазбаша тілді дамыту,
қызығушылықтарын оятып, танымдық көзқарастарын
қалыптастыру;
в) тәрбиелік: өз елін, жерін сүюге, мемлекеттік тілді құрметтеуге,
қоғамдық ортада өзін-өзі ұстауға тәрбиелеу;
Сабақтың түрі: пысықтау сабағы
Сабақтың әдісі: түсіндіру, сұрақ-жауап, топтық жұмыс
Сабақтың көрнекілігі: кітап, сөздік, суреттер
Пәнаралық байланыс: орыс тілі
Күтілетін нәтиже: диалогты меңгеру, мектеп демалысы туралы өз ойын айта білу;
Сабақтың барысы:
І. Ұйымдастыру бөлімі
– Оқушылармен амандасу – Кезекшінің мәліметі
ІІ. Үй тапсырмасын тексеру
Модуль бойынша өткенді қайталау.
ІІІ. Жаңа сабақ
1 – тапсырма. «Мектеп демалысы» мәтінімен топтық жұмыс.
1. мәтінді оқиды
2. мәтін бойынша сұрақтар құрайды
3. мәтінді мазмұндайды
4. мәтіндегі қиын және тірек сөздерді табады
2- тапсырма. Берілген диалогты өзің, кейін көршіңмен оқып, мағынасын түсіндір.
Үлгіге қарай отырып, өзің диалог құрастыр.
3 – тапсырма. Берілген сұрақтарға жауап беру арқылы диалог құрастыр.
Ережемен жұмыс
Диалог – екі немесе одан да көп адамның сөйлескен сөзі. Мысалы:
– Сен жазда қайда барасың?
– Мен жазда атам мен әжеме барамын.
– Олар қайда тұрады?
– Олар ауылда тұрады.
ІV. Бекіту бөлімі
Сұрақтар қою арқылы бекіту
V. Үйге тапсырма
1-тапсырма («Мектеп демалысы» мәтінін мазмұндау).
Өздері таңдаған тақырыпқа диалог құрау.
VІ. Бағалау бөлімі
Сабаққа қатысы бойынша бағалау
VІІ. Сабақты қорытындылау
